--{ فـقــط ,, للــي عنـدهــم نفس مشكلتــي !! }--

---[-- مدخـــــــل -- ]---

السلام .. ارحبوا كلكم .. ورجاءا كل واحد ينثبر مكانه ويقضب أرضه. لا أحد يقوم ويقول لي خشمك ! يالربع خشمي وانا حر فيه . لا أحد يقول لي يمناك نعنبو داركم ترى الكلام البايخ هذا ما أحبه. يرحم أم أمكم فكوني من هالرسميات ترااها واصله معي ,

كل واحد ينطق ورى شاشة كمبيوتره ولاب توبّه، لا أسمع نفس خلوكم مثل طلاب رابع جيم لا دخل عليهم مدرس العلوم العصبي!!

دوريات تلاحق محشش.. يوم لف المحشش يمين لفيتوا مثل الدوريات وراه يوم خذ شارع الخدمه حاولوا يحدونه الدوريات وهو اللي يصبخ في ذيك الصبه وانكسر سن المحشش ....الخ (( بعدين اكمل لكم قصة المحشش والدوريات ))


آآآآآآآآآهـ يآ حلقـــي <--- مآسكة غلط هاليومين ,, وبعدين مدخل خآآص فينـي وشدخـلك
انــت ويآآآهـ ,, الشرهـه اللـي يكـتـب لكـم مواضيـــع


المهم تراني داخل على الله ثم على خششكم اللي اللهم عافنا كأنها قواطي صلصه منعفجة .. لا خلصتمم من القرايه.. ارجوكم جاملوني وعبروني برد ولاتكسرون بخاطري وخاطر( الموضوع ) . اعتبروه بزر يتيم ومرت ابوه لاعنتن خيره ويستحق الشفقه . اعتبروه رجال ماله الا رجل وحده وعنده ثلاث فتحات في خشمه وسره مسدود ويكسر الخاطر .. اعتبروه بقرة جالسه بالزاويه لحالها مافيها حليب وخوياتها ماغير يدهرن حليب ويغايرونها ..( ياخي عليك اسلوب يخلي الواحد يصيح خلاص خلاص بنقرااها )

× × × ×

-- فــارس دوس .. لا تجي حامي طامي مطفي انـواركـ ,, اركد ونا خــالـــك

ياللـه انــك تحيي هالخشش الاحيــاء منكم والامــوات <---

والله تبون الصراحــة احس نفسي طفشآن وَ ( آآآآآآهـ يا حلقــي )

حتى تدرون مدري وش اكـتــب <-- قســم باللـه سمبوسـة مغشوشـة

× × × ×


-- يقولـكــم ( والله ان الاقتصـاد بينفقـع .. على قولت الشيخ مدحــت ) <- ماسكين ياللي التلفزيون عندهـ خربان
وبعلمكم طريقة ( كيف ينفقع الاقتصــاد )
(( افتحوا يدكم اليمين واليسار ثما نأخذ الفلوس ونحطها في اليمين .. ونخضها خض ونحطها في اليسـار )

اهـــم شيء (( انها مضاربــة حميــدة ))

<--- واحد فاضـــي وش تسوووون لـــه

× × × ×


( 1 )

تثصدقون عندي اخ لاعب في حسبته ( الحمام ) ,, وبعنف لدرجة مايتصورها المتصورون ولايتوقعها المتوقعون ولم يترقبها المتراقبون ..تصدقون مرة جيت من الدوام قلت له : السلام عليكم . قال وعليكم الحمام (( من جد رايح في رجلها الله يكون بعونه ))


( 2 )
والاخ الثاني .. عربجي وزاحف ولاهي في الطرب القديم وماغير طايح لي أغاني شعبيه وتجميع اغاني نادرة لفنانين شبعوا موت ومعطي هالدنيا بالخااامس ..

مرة سألته من تحب اكثر أمي ولا أبوي ؟ قال اممممممم بصراحه بصراحه بشير ثم عيسى !!! (( مخه منلحس من جد ))

أحيان أقردن فيه: طيب البس ملابس جديده رح فصل لك ثياب كشخه تراك صاير وصخ..

يرد علي: رووووووووووووووووح ألعن ابو بليس الخكارا.. وش تبي اخوياي يقولون عني ؟ نظيف لا سمح الله !!

لا والمشكله وحده من درايش سيارته عليها صورة بشير شنان والغمارة الثانيه عليها لوحة : قاااطعوهم . عرضي دونك يارسول الله !!

(3 )


واللي أصغر منهم رومانسي بس بالغلط .. طايح لي تغزل و تشبيك مع الشغاله الاندونيسيه ومسوي لي في أمها قيس زمانه . يحبها . تصدقون أحيانا أدخل المطبخ ألقاه يغسل الصحون عنها (( اعنبو خيره ياهو فاهم التشبيك بالغلط ))


( 4 )

وابوي وامي ماغير مطيحين عند الجزيرة ويتابعون الاخبار كأنهم بيحلون مشكلة الشرق الاوسط .. طيب الله لايهينكم حلوا مشكلة عيالكم هالشبهات !!
االمشكله ان ابوي يقدّر الاتجاه المعاكس وهو مايدري عنهم وش يقوولون .. بس يجوز له هواشهم ، وامي مع الوالد وماتدري وش الطبخه .. ذاك اليوم تصحيني من النوم تقول:

قم ياولدي رح دوامك.. انجز قم ياوليدي خلك ديموقراطي !! ( أجرمت فيهم الجزيره لابارك الله فيها: ))


× × × ×

شباب \ شابات <--- الله الله و التعبير بس لا تلوموني هالعائلـة لعبت في حسبتي : (

احس اني منبوذ في البيت. حسيت اني منيب ولد أهلي . حسيت انهم لاقيني عند باب مسجد وانا في المهاد ثم ربوني وتوهقوا بي يوم كبرت .. (( وش دعوه تحس ياغالي.. هذا الأكيد ))

اقول في نفسي : وش هالعيشه؟ شكل ضيقتي بسبب المعاصي ..يانفس يكفي يانفس توبي فان الموت قد حانا ..
قالت: اقول انثبر يامال الضربه وشلون اتوب وانا في بيت يضم اخوانك ..

انت شايف اخوانك الدشير السنلتح كيف؟ ابليس لو عاش معهم صار إمامهم .. علي الطلاق انه اعقل منهم .(( صادقة والله ))<-- اقصد النفس


تصدقون ونا مرة جالس افكر في حالي. . دخل أخوي راعي الطرب الشعبي.. قال بأسلوب شوارعي: حبتيييين ياابو تفكيير وش بك؟ لحوووول وش يبي ذا .. ابد متضايق شوي؟ قال: خذ هذي زقارة حشيش على حسابي اكمخ والمره الجايه ترى تدفع!! .. قلت اقلب وجهك. هذا بدل ماتقول اخوي الصغير اخاف يدشر، تروح تخربه .. قال: يارووحي يا شباب2008 يا الخكاريه ياخي خل عنك كلام المدارس ومسلسلات قناة المستقله والخرط الفاضي، حشش بس ترى الدنيافانيه والنكهة تبقى ( ياشين العرابجه لا حاولوا يعبرون ) جيت أرد عليه ، دخل علينا اخوي الكبير راعي الحمام .. ناظر فيني ثم ناظر في اخوي المطرب ثم قال:

تشترون حمام ؟ ؟ قلت الله يلعنكم عاهات .. وطلعت وخليت لهم الغرفه .

نزلت عند امي متضايق قلت: يمه ليش حنا اسره غير مترابطه ؟ ليش مابيننا اخوه حقيقيه .. ليش كل واحد لاهي بحاله وبس ..

أين الترابط؟ اين التكافل؟ أين السلام. أين الوئام . فجأة نط علينا اخوي الكبير ثاني مرة وقال:

من اللي تو قال حمام ؟ تشترون ؟ طقيت راسي بالجدار وقلت بس اعنبو جدفكم كفايه حراام عليكم.. انا والله راح آخذ شقه واطلع عنكم .. حطمتوني الله يسامحكم ..

رحت فتحت الباب اباطلع ..وقبل ما اطلع سمعتُ صوتاَ رحيما يناديني واذا به ابي قائلا: أين ياولدي ؟ قلت رااحل يا أبي .. قال: صك الباب معك وانت طالع ( ألعن ابوالتحطيم بعد )

قعدوا يضحكون اخواني الدشير ويقولون لابوي:ياهوووه كفّك ياهوووه حلوووه الله يرجك .تحمس ابوي ورجمني بالنعله وهو يقول: مالت عليك يا الليبرالي.. ( اقول لكم لعبت فيه الجزيره ) واخواني قاموا يصفرون ويضحكون وراعي الطرب قعد يخرش عود بهالمناسبه واخوي الكبير يرقص وانا اتفرج واتحسر عليهم ,, طلعت وصكيت الباب وشغلت سيارتي ويوم جيت امشي لمحت اخوي اللي يحب شغالتنا جاي للبيت ومعه شريط "كسرات اندونيسيه" ناوي يقدمها هديه للشغاله .. بغيت ادعسه بس تعوذت بالله من بليس ومشيت (( أسرة منحله بقووة بأطرح مشكلتهم في السي إن إن ))


× × × ×


شباب والله ودي أنتحــــــــــــــــــــر والله موب عيشة هذي حرااااااام والله : (

\
\
\
\
\
\
\
\
\
\
\
\
\
\
\
\
\
\
\
\
\
\
\
\
\
\
\
\\
\
\
\
\
\
\
\
\
\

قسسسسسسسسم بالله لو احد صدق هالسالفة ,, الله يخلف ,, وعليه ان يراجــع اقرب مستشفى
للصحـــة النفسية حـــالا وبدون تردد !! ههههههههههههههههههه !!

[color=#00008B] ×× انا مو قايل لكم من اول واحد طفشان وماعندهـ ســالفـــة ,, وهذي النتيجـة ؟! ××[/
color]


---[-- مخــــــــرج -- ]---

,, وآآآآآآآآآآآآآآهـ يآ حلقــــي ,,

وكل عام وانتم بخير