يسعد اوقات الجميع
الجديد وبلا تعليق
أكفكف الدمعة علـى خـد مغلـوب
والحزن يغمد وسـط قلبـي سنانـه
وأداوي الجرحـى برقّـه واسلـوب
واطلـق لصهّـال المعانـي عنانـه
لجل أسعد انظارا توجّـه لمكتـوب
يعانـق الحبـر الفصيـح وبيانـه
أجعل خيال الفكر واقـع ومرغـوب
ويعـود الواقـع خـيـالا مكـانـه
ماهو خطاي إن كنت عاشق ومحبوب
أبـادل احـروف القصايـد ميانـه
قولوا لمن ظنوا لي الطيب عـذروب
وانه بذل في وقـت سابـق اوانـه
لكل غالي عنديا مـن ا لوفـا ثـوب
يكسيـه والهيّـن لباسـه اهـانـه
حنّا بشر نخطـي بمـرّات ونتـوب
بس التمـادي علّـة اهـل الخيانـه
يمكن يقصّر من على المجد محسوب
وينـال مطلوبـه ضعيـف المكانـه
أحيان بالمتعوب وأحيـان ملعـوب
يفوز شخص وشخص يخسر رهانه
حظّي يواعدنـي مواعيـد عرقـوب
باحباب الاقي مـن قبلهـم ضمانـه
لاحقد لاغـدرن ولا حـقّ مسلـوب
واهـمّ واعـمّ الصفـات الامـانـه
واخاف يبطي بيرق الصبر منصوب
والهاجس يسافـر ويقسـى زمانـه
مع احلى الأماني